Еко Тунд

Име: Еко Тунд
Член на: преживеаните од задната секција на авионот
Статус: мртов
Центрични епизоди: "The 23rd Psalm", "?", "The Cost of Living"
Еко Тунд е веројатно најомилениот лик (без да го сметаме Дезмонд) кој ни беше претставен за првпат во втората сезона. Неговата појава и улога беа можеби и најинтересниот дел за следење од средишниот и крајниот дел на истата. За жал, една година подоцна, Еко ќе стане првиот главен карактер кој ќе биде убиен од Чудовиштето, со што неговата брилијантно осмислена приказна во серијата ќе заврши...

Пред ова, како и да е, дознавме неколку интересни работи поврзани со него:
- тој бил дилер и мафијаш се’ додека во една од неговите „мисии“ не загинал по негова вина неговиот брат, чие тело, иронично, тој го пронајде на Островот!
- по оваа трагедија тој започнал да се бори со демоните; борба која продолжила и на Островот кога неговата група беше нападната од страна на Другите по што тој мораше да убие неколкумина од нив.
- веднаш штом сфатил што направил во самоодбрана, тој започнал 40-дневен „пост“ од зборење, на тој начин искажувајќи го револтот кон самиот себе!

Прашања поврзани со ликот:
- Дали ви се допаѓа? Дали мислите дека требаше да биде убиен толку брзо?
- Зошто беше убиен од Чудовиштето?!
- Како Еко ја преживеал имплозијата на окното?
- Мислите ли дека има уште некоја нерешена мистерија поврзана со Еко?

1. Мене ми беше доста интересен и ми беше ептен жал кога умре, сакав да остане повеќе.
2. Веројатно така му било судено и можеби зошто се скарал со продуцентите.
3. Паа... нели имаше голема верба во Бога, можеби тој го спасил.
4. Најголема мистерија е тоа зошто умре, ни мене не ми е јасно.

- Дали ви се допаѓа? Дали мислите дека требаше да биде убиен толку брзо?
МНОГУ ми се допаѓаше како лик и многу ми е криво што си замина толку рано

- Зошто беше убиен од Чудовиштето?!
Незнам. Пошто сакаше да си оди од серијата, а беше релативно важен лик тогаш и така се се поклопи

- Како Еко ја преживеал имплозијата на окното?
Епа незнам, изгледа му било судено да умре од друго (Смоуки)

- Мислите ли дека има уште некоја нерешена мистерија поврзана со Еко?
Тоа со натписот на неговата палка, и последните зборови кои ги изусти

Намасте

- Дали ви се допаѓа? Дали мислите дека требаше да биде убиен толку брзо?
Да, Еко ми беше еден од најомилените ликови во втората сезона. Бев многу разочаран кога умре.

- Зошто беше убиен од Чудовиштето?!
Затоа што актерот имал други обврски и не можел да продолжи со серијата. Инаку, што се однесува до приказната, би рекол дека непријателот на Џејкоб стои зад тоа. На некој начин го тестираше Еко, а овој не го помина тестот. Или пак мислел дека Еко може да биде еден од главните играчи во војната што следува, и тоа од страната на Џејкоб.

- Како Еко ја преживеал имплозијата на окното?
Не знам, на ист начин како и Лок и Дезмонд веројатно....

- Мислите ли дека има уште некоја нерешена мистерија поврзана со Еко?
Па, и јас мислам дека оној натпис на стапот кога умре не е разјаснет до крај. Дали тој го има напишано, и со каква намера? Дали знаел дека со тоа ќе му помогне на Лок да најде нова станица?