Чарлс Видмор

Име: Чарлс Видмор
Член на: екс лидер на Другите, надвор од Островот има своја компанија и е успешен бизнисмен
Статус: жив
Центрични епизоди: нема
Чарлс Видмор ни беше претставен како сосема „нормален“ лик во финалето на втората сезона, но испадна дека бил многу, многу поважен во понатамошниот развој на серијата... Тој е вечниот ривал на Бен, со кој не се „мирисаат“ уште од моментот во кој самиот Чарлс сфати дека ќе биде протеран од лидерското место на Другите. Видмор е главниот виновник за смртта на Алекс, бидејќи очигледно е дека нејзината смрт не беше случајна, барем според флешбеците кои ги видовме во Бен-центричната епизода Dead is Dead. Некаде во седумдесеттите тој бил во врска со Хокинг, но се чини дека нивната приказна не траела долго... Има две деца: ќерката Пенелопи (со непозната жена) и синот Фарадеј (со Хокинг)...

Прашања поврзани со ликот:
- Дали ви се допаѓа како карактер?
- Кои се правилата според кои тој не може да го убие Бен и обратно - Бен не може да го убие него?
- Како успеал да стане одеднаш богат надвор од Островот?!
- Како го пронашол Островот откако бил протеран?
- Слободно одговорете и на некое друго прашање поврзано со ликов доколку сметате дека постои!

- Дали ви се допаѓа како карактер?
Па, и не го сакам баш, пред се поради односот што го имаше кон Дезмонд, но и поради убиството на Алекс.

- Кои се правилата според кои тој не може да го убие Бен и обратно - Бен не може да го убие него?
Веројатно Другите имаат некои свои закони, можеби дадени од Џејкоб. Еден од нив можеби е дека двајца лидери на групата, поранешен и сегашен, не смеат да се повредат меѓусебе. Може звучи смотано, но видовме дека има закон дека лидерот не смее да има дете надвор од Островот.

- Како успеал да стане одеднаш богат надвор од Островот?!
Самото лидерско место кај Другите изгледа носи пари и моќ. Ако ви текнува, и Бен имаше цело богатство во својата барака, плус лажни пасоши, и очигледно, свои луѓе насекаде. Па, веројатно ни на Видмор не му било тешко да стекне богатство и углед.

- Како го пронашол Островот откако бил протеран?
Можеби преку некои записи во дневникот на капетанот на Блек рок, што тој го купи на аукција?

Друго што ме интересира за Видмор е неговата улога во војната помеѓу Џејкоб и Флок. Ако за Бен знаеме веќе дека не знае ништо за тоа, не го беше ни запознал Џејкоб, за Чарлс навистина не можам да сфатам на чија страна е. Се ми се чини дека сепак знае за тој конфликт - тој лично му посочи на Лок дека доаѓа војна на Островот! Ништо чудно да се покаже дека тој е на страна на Флок, затоа што видовме дека Брам, кој е на страна на Џејкоб, му кажа на Мајлс дека е на погрешна страна кога овој беше регрутиран од Видмор. Сепак, не сум сигурен, којзнае што ќе излезе на крај...

Да, и јас мислам дека е на страната на Флок...ќе виде закон ако го видиме на Островот како се бори за него. =))

Прашања поврзани со ликот:
- Дали ви се допаѓа како карактер?
Па онака, интересен лик иако ме нервираше на почеток, зошто Дез го третираше како обична мивка

- Кои се правилата според кои тој не може да го убие Бен и обратно - Бен не може да го убие него?
Па истите правила поради кои човекот во црно не може да го убие Џејкоб. Или на пример лидер со лидер не смееат да се убиваат.

- Како успеал да стане одеднаш богат надвор од Островот?!
Можеби го купил мајкрософт, се кладел на трки со коњи...а не чекај тоа беше планот на Соер Па најверојатно основал своја компанија и му тргнало, а можеби тука има смешано прсти и островот, неговите моќи.
- Како го пронашол Островот откако бил протеран?
Мислам дека Хокинг му помогнала околу тоа

- Слободно одговорете и на некое друго прашање поврзано со ликов доколку сметате дека постои!
Па незнам за него има голема мистерија, поради тоа што многу малку знаеме, така да ова би било се

Намасте