Deus Ex Machina (1x19)

Ова е последниот мој пост до 29ти јули. Се читаме после одмор!

Deus Ex Machina (на македонски: „Знаци“) е деветнаесеттата епизода од првата сезона на LOST и вкупно втората Лок-центрична од почетокот на серијата.

Премиерно била прикажана на 30. март 2005тата година.
Што ми се допадна?
Ова е епизодата која навистина ме „запали“ по LOST. Пред да ја изгледам за првпат "Deus Ex Machina" Изгубени ми беа „само“ занимација во слободно време. А што се случи по "Deus Ex Machina" ќе се прашате? Па, ништо посебно - само го отворив блогот со кој веќе цели три години се занимавам!!! Дознавте само една од петте причини поради кои епизодава засегогаш ќе ја сметам за една од најдобрите во LOST.

Втората причина е флешбекот. И до ден денеска не постои некој друг флешбек кој може да му парира на овој. Никој, едноставно НИКОЈ не би можел да остане рамнодушен на измамата која Џон ја доживеа од својот „сакан“ татко.

Третата причина е првото навестување за смртта на Бун. Овој карактер ми беше еден од омилените пред да умре, а уште кога ја видов визијата на Лок знаев дека нешто лошо ќе се случи. И кога тоа навистина се случи - не бев шокиран. Бев буквално онемен од тага!

Четвртата причина е крајот на епизодата. Не памтам некој друг крај (не сметајќи го флешфорвардот во "Through the Looking Glass") поради кој ме полазиле морници!

И за крај, последната петта причина е оваа: не бадијала одредени настани од епизодава подоцна ги гледавме од друга перспектива во цели три различни епизоди: "The Other 48 Days", "Live Together, Die Alone" и "The Little Prince"!!!

Ако продолжам вака ќе најдам уште петстотини причини зошто "Deus Ex Machina" ми е омилена епизода од првата сезона, но за да заштедам на време...

Што забележав?
Ништо не забележав, но би сакал да кажам рандом теории во врска со сонот/визијата на Лок со Бун и Тереза:
- можеби бил предизвикан од страна на непријателот на Џејкоб за потоа Бун да умре, а Џон да биде приморан да каже за окното...
- можеби сосема спротивно, бил предизвикан од страна на Џејкоб токму поради истите причини..иако не гледам зошто тоа тој би го сторил.
- или пак...сонот бил предизвикан од потсвеста на Лок како резултат на патувањето низ времето (бидејќи тој го виде самото паѓање на авионот од ридчето!)?!

Моменти за паметење:
- откритието дека навистина има преживеани од задната секција на авионот.
- визијата на Лок и неговата тврдоглавост и верба во Островот кои ќе предизвикаат тој да го занемари фактот што Бун беше цел крвав во истата проклета визија! (да, сеуште се лутам што е умрен )
- слатката „одмазда“ на Џек кон Соер, кој пак открива дека е далекуглед.
- измамата која Купер ќе му ја приреди на Лок.
- првото појавување на авионот во кој умре братот на Еко во серијата...
- незаборавниот крај.

Интересни факти:
- гласот/спикерот кој го изговара "Previously on Lost" во епизодава е променет.
- гласот кој го слушнавме на трансмицијата на Бун не звучи како Бернард. Ова е така бидејќи актерот кој ја игра неговата улога сеуште не бил дел од екипата на LOST...
- ова е првата епизода чие сценарио било заеднички напишано од страна на Демон Линделоф и Карлтон Кјус. Двајцата подоцна ќе станат и главните извршни продуценти на серијата и ќе започнат да ја претставуваат на сите поважни настани. Воедно, тие се и креаторите на подкастот на Изгубени кој го водат успешно веќе четири години.
- медицинската сестра која разговара со Лок по неговата операција е истата која разговара и со Џек во премиерата на третата сезона - "A Tale of Two Cities"...
- терминот "deus ex machina" преведен буквално на латински означува „машина од Господ“, додека пак од писателски аспект овој термин ја означува појавата која се појавува од никаде и нема никакво влијание во приказната, по што може да направи публиката да се почувствува измамена. Во грчката театарска култура "deus ex machina" претставувал некој карактер кој бил носен со кран на сцената и истиот тој карактер бил секогаш претставуван како бог. Овој бог секогаш им помагал на ликовите да го одлучат својот иден потег. Од таа причина, ваквиот термин подоцна бил подразбиран како инструмент во заплетот на драмите кој секогаш предизвикувал некакви изненадни промени или солуции во приказната.

Цитати:
Jack: [on helping Sawyer] ...all I'm gonna get is a snappy one-liner, and, if I'm lucky, a brand-new nickname.
-----
Jack: [diagnosing Sawyer] Have you ever had sex with a prostitute?
Sawyer: What's that got to do with my headaches?
Jack: Maybe a lot.
Sawyer: ...yes.
Jack: Have you ever contracted an STD? [Sawyer is silent] I'll take that as a yes. When was your last outbreak?
Sawyer: Go to hell, Doc.
Kate: I know he deserved it, but...
Jack: He needs glasses.
-----
Jack: You've got hyperopia.
Sawyer: Hyperopia? That's..... What is that?
Jack: You're farsighted.
-----
Hurley: [on Sawyer's new glasses] Dude, looks like someone steamrolled Harry Potter.
-----
Boone: [In Locke's hallucination] Theresa falls up the stairs, Theresa falls down the stairs.
-----
Kate: Thank you for helping him [Sawyer] I know it was probably the last thing you wanted to do.
Jack: I didn't do it for him.

Прашања за дискусија:
- што ви се допадна најмногу во епизодата? Кој ви е омилен момент/сцена/цитат? Што оцена би и дале?!
- дали забележавте нешто необично?

Мој рејтинг:
Приказна (на Островот): 9.5
Митологија: 9
Флешбек: 10

Оцена: 9.50

Што ми се допадна?
-Неверојатниот флешбек, целата приказна од него кој ке доведе до многу настани (The Brig, носење на соер од страна на лок да го убие татко му, во тhe man behind the curtain-confirmed dead ке видиме дека затоа лок го преживеал куршумот од Бен, поради тоа подоцна ке размислува за одење на walkabout па ке падне, па џејкоб ке го исцели итн...)
-За ГОЛЕМА жал ке ја добиеме визијата во која бун ке умре кој беше мој омиле карактер во прва сезона а и сеуште е меѓу најомилените 3ца. И како што спомна...ја видовме епизодата низ 3 други перспективи од кој дефинитивно најинтересна ми беше онаа со Дезмонд внатре од хечот кога беше во депресија!
-Го видовме авионот кој подоцна ке дознаеме дека е на брат му на еко, и интересно беше што бернард го слушна бун но ана лусиа ми рече да се откаже дека биле другите.


-Сега ако зборувам за Џејкоб и Непријателот некако ке го уништи вкусот на епизодата така да не ми се зборува за тоа, многу е поинтересна епизодата ако ја гледаме како што е!

иначе не ти го сваќам ова-- "измамата која Алперт ќе му ја приреди на Лок." можеби си мислел на антони купер али нема везе.

Сигурно многу се смеев на соер со очилата па после Харли кога ке се пошегува со Соер! хахахахаха

Во епизодата имаше и акција и митологија у добра приказна и комедија така да ПЕРФЕКТНА епизода!

Цитативе кој од кој подобар!

Оцени...
Приказна на островот-9.5
Митологија-9
Флешбек-10
...Комедија-10
Се на се-9.8 (епизодава без финалињата дефинитивно е меѓу најдобрите)

Лелее ама си се изнапишувал! =)))
Ќе ти одговорам за неколку денови, сега сум на одмор и немам баш време. Како и да е фала за исцрпниот одговор.

И оваа епизода може слободно да се нарече фантастична, како претходната! На најдобар начин е прикажан Лок како лик, и најмногу тука се гледа неговата приврзаност спрема Островот. Колку ли само ме збуни оној сон првпат кога ја гледав епизодава. И како што кажа Лостич - на крајот сосема ме полазаа морници! Бев тотално збунет што е онаа бела светлина од хечот. Е, сега, веќе горе-доле се што видовме во оваа епизода ни е разјаснето - и светлината, и авионот со дрогата.... Само може да се теоретизира кој му ја „даде“ таа визија на Лок - Џејкоб или „другарчето“ негово?! И за двајцата може да се најде причина зошто би го направиле тоа, а зошто не. Ако е Флок, може сакал да го „однесе“ Бун во смрт и да го „уништи“ психички Лок. Мислам дека пишав кај Walkabout дека можно е токму Флок да му ја стави намерно идејата на Лок дека е посебен. Ако, пак, Џејкоб стои зад тоа, можеби сакал да ги намести работите така како што требало да се случат, Бун да умре, и работите да течат една по една. Од друга страна, ако Џејкоб е навистина позитивен лик и е на страна на Изгубените, зошто би го убил еден од нив (Бун)?!?

Друго накратко за епизодава - флешбекот беше феноменален, се запознавме какво ѓубре од човек е Ентони Купер, и колку напатен и наивен лик бил Џон Лок. Не може човек да не го сожалува. А ова е само почеток на сите проблеми што ќе му ги направи татко му.

Она со наочарите на Соер, иако не беше толку важно, внесе малку забава во епизодата. Тоа отсекогаш ми се допаѓаше кај оваа серија - и кога е најнапнато, ќе прикажат некоја смешна сцена.

П.С. Нешто што ме изненади е дека сега гледам дека веќе кога овие епизоди биле прикажувани, сценаристите ја имале испланирано скоро цела втора сезона. Приказната за нигерискиот авион, хинтот дека има други преживеани (разговорот меѓу Бун и Бернард), светлината во хечот (Дезмонд).....

@Дане/Iceman: очигледно е дека и двајцата сме големи фанови на епизодава! Мене исто така овие работи кои ги наброја ми се најомилени. А, и да, жал ми е исто така за Бун...

IceMan напиша:

-Сега ако зборувам за Џејкоб и Непријателот некако ке го уништи вкусот на епизодата така да не ми се зборува за тоа, многу е поинтересна епизодата ако ја гледаме како што е!

Хмм, па добро де, колку да се дискутира за нешто...

Цитат :

иначе не ти го сваќам ова-- "измамата која Алперт ќе му ја приреди на Лок." можеби си мислел на антони купер али нема везе.

Хехе, поправено. Така ми е кога пишувам теми во 4 часот сабајле.

Цитат :

Во епизодата имаше и акција и митологија у добра приказна и комедија така да ПЕРФЕКТНА епизода!

ТОКМУ ТАКА.

@Соер

Sawyer^^ напиша:

И оваа епизода може слободно да се нарече фантастична, како претходната!

Според мене дури и најдобра сезонава!!!

Цитат :

Само може да се теоретизира кој му ја „даде“ таа визија на Лок - Џејкоб или „другарчето“ негово?! И за двајцата може да се најде причина зошто би го направиле тоа, а зошто не. Ако е Флок, може сакал да го „однесе“ Бун во смрт и да го „уништи“ психички Лок. Мислам дека пишав кај Walkabout дека можно е токму Флок да му ја стави намерно идејата на Лок дека е посебен. Ако, пак, Џејкоб стои зад тоа, можеби сакал да ги намести работите така како што требало да се случат, Бун да умре, и работите да течат една по една. Од друга страна, ако Џејкоб е навистина позитивен лик и е на страна на Изгубените, зошто би го убил еден од нив (Бун)?!?

Искрено по финалето на петтата сезона веќе во се’ започнувам да се сомневам. Дел од тие сомнежи паѓаат и на Џејкоб. Некако типот не ми штима премногу за да биде позитивец во приказнава...впрочем, ако мене ме прашаш ни двајцата не се позитивци, мислам дека тие си имаат некаква своја „игра“ (битка помеѓу себе, да не речам - ЗАНИМАЦИЈА!) која ја играат на сметка на преживеаните... Од таа причина сметам дека сите карти се отворени.

Цитат :

Она со наочарите на Соер, иако не беше толку важно, внесе малку забава во епизодата. Тоа отсекогаш ми се допаѓаше кај оваа серија - и кога е најнапнато, ќе прикажат некоја смешна сцена.

И јас истово си го помислив кога ја гледав епизодата. Добра забелешка!

Супер епизода..
порано не и давав мн значење како ептен добра епизода, ама сеа гледам дека нема зашто--СЕ беше перфектно.. и ФБот е супер и целата он-ајланд приказна вклучувајќи ја и дрим-секвенцата на Лок беа супер..

(мора вака на кратко да коментирам за да стигнам со ривочов)

Steff напиша:

Супер епизода..
порано не и давав мн значење како ептен добра епизода, ама сеа гледам дека нема зашто--СЕ беше перфектно.. и ФБот е супер и целата он-ајланд приказна вклучувајќи ја и дрим-секвенцата на Лок беа супер..

(мора вака на кратко да коментирам за да стигнам со ривочов)

Како бе не си и давал на значење?
ОК, ако ништо барем сега си ја „улови“ грешката.