Orientation (2x03)

Orientation (на македонски: „Ориентација“) е третата епизода од втората сезона, односно 28та од почетокот на серијата. Премиерно била прикажана на 5. октомври 2005.

Кратка содржина
Мајкл, Соер и Џин се заробени откако ќе сретнат група за која веруваат дека е сродна со Другите. Во окното, Џек и другите дознаваат нешто повеќе во врска со неговата функција, но се збунети од реакцијата на Дезмонд кога опремата од чудниот компјутер ќе се уништи.
Епизода која ќе мора да ја погледнеме уште еднаш! Можам слободно да кажам дека и покрај тоа што многу повеќе прашина се дига околу "Walkabout", сепак "Orientation" е каде-каде подобра епизода од оваа. Впрочем, Ориентација би ја сместил на високото трето место од сите досегашни Лок-центрични епизоди, веднаш после неприкосновената "Deus Ex Machina" и "The Life and Death of Jeremy Bentham". Дури потоа следуваат "Walkabout", "The Man From Tallahassee" и "Lockdown" (иако последнава можеби ќе ме изненади во текот на повторново гледање, така што се’ уште не сум ја чкртнал!). Во секој случај, претходно споменативе епизоди се вистински класики на кои не би можел да им дадам помала оцена од 8.5 што доволно говори само по себе за тоа колку е квалитетен Лок како лик.

Но, да се вратам на темата. Зошто епизодава намами толку позитивни импресии кај мене? Па, многу јасно, конечно, после цели три „проклети“ епизоди се размрдаа работите! Конечно (повторувам: КОНЕЧНО) ни беше откриено за што служи компјутерот во окното (и покрај тоа што за првпат го видовме уште во премиерата!), а покрај ова момент за паметење беше и првото спротивставување, или поточно речено инатење на Џек, кога се работи за „теоријата“ на Дезмонд во врска со „спасување на светот преку притискање на копчето“. Од друга страна Лок веднаш поверува во неговите зборови и нормално, тука започнува конфликтот кој ќе ја обележи целата втора сезона - дали копчето мора да се притиска, или не?! На другата страна од Островот интересно беше да се проследи глумењето на Ана Лусија, која ќе не натера да се запрашаме дали станала дел од Другите, или сепак има и преживеани од задната секција на авионот? Флешбекот со Хелен и Лок е исто така одличен, а ова го кажува некој кој и не е баш голем фан на љубовните интриги во серијава (освен оние со Џек и Ката ). Има многу други моменти кои се едноставно речено закон, но оставам Вие да си ги издвоите сами.

Се на се, ова е уште една незаборавна Лок-центрична епизода...

Нешта кои ги забележав
Изразот на лицето на Марвин Кендл, то ест Пјер Ченг пред да го изговори зборот „Инцидент“ во ориентационото видео од Лебедот. Едноставно се чувствува голема тага во неговиот глас. Можеби поради тоа што ја загубил единствената шанса за да „подругарува“ со својот син? Прашањето е реторично...

Интересни факти
- На оригиналната фотографија од Дезмонд и Пенелопи прикажана во Orientation биле сликани актерот Хенри Иан Кјусик со жена која очигледно е дека не била Соња Вогер. На Соња не и било платено за да го портретира ликот на Пени се до финалето на сезоната (Live Together, Die Alone). Како и да е, сликата подоцна била измонтирана за подоцнежните прикажувања на епизодата, како и за DVD изданијата.
- Ликовите на Бернард, Синди, Либи и најверојатно Ана-Лусија во почетокот на епизодата се играни од други вонредни актери (extra). Ова најверојатно било направено поради штедење на буџетот за серијата со цел да не им платат на актерите кои подоцна ќе ја играат улогата на претходно споменатите ликови за настап во цела епизода, или бидејќи сеуште не успеале да најдат соодветни актери за портретирање на истите ликови (без Ана Лулу)...
- Последната сцена од оваа епизода неодамна успеа да влезе во изборот на топ пет сцени со Лок.

Цитатите од епизодава можете да ги прочитате на следниов линк.

Прашања за дискусија
- Која Лок-центрична епизода е подобра:
Orientation или Walkabout?
Orientation или Deus Ex Machina?
Orientation или Lockdown?
- Која е вашата омилена сцена од епизодата?
- Дали забележавте нешто необично?
- Кој ви е омилен цитат?
- Како би ја оцениле епизодата според трите критериуми:
1) Флешбек;
2) Приказна;
3) Митологија?

Мој рејтинг
Приказна (на Островот): 9.5
Митологија: 8.5
Флешбек: 9

Оцена: 9.00

одлична епизода!!
си кажа све шо сакав да кажам..
и плус забележав уште едно нешто:
кога Мајкл вика дека му го имаат земено детето, Ана Лусија праи фаца.. а после ќе дознаеме дека и нив им ги земале децата

Steff напиша:

одлична епизода!!
си кажа све шо сакав да кажам..

Мило ми е.
Добар хинт инаку.

Што да се каже, одлична епизода! Конечно разбравме како Дезмонд се нашол во хечот и за што служи тој компјутер. И тоа, ретко кој очекуваше таква луда приказна за тоа дека ако не се притисне копчето, ќе пропадне светот. Плус за првпат се спомнува ДАРМА (имаше хинтови во претходните епизоди, ама сега првпат беше потврдено). Ем го видовме и Пјер Ченг за првпат. Првпат кога ја гледав епизодава, кога го пуштија видеото, со ептен големо внимание гледав што се збори во него, кога на крај, толку информации кажаа што не можев се да запомнам. И баш тогаш Лок рече: „Треба да го изгледаме пак!“ Ова како да беше шега за нас фановите!

Друго по што ќе ја памтам епизодава е целиот конфликт меѓу Лок и Џек. Тука забележав дека Џек колку и да глуми дека е целосно човек од наука, сепак кај него има некоја потајна верба во тоа што го кажува Лок. Џек никако не ми изгледаше сигурен во себе. Ако беше сигурен, немаше да ги запамти броевите што му ги кажа Дез, да се врати во хечот и да го притисне копчето.

Интересно беше и што разбравме дека има друга група преживеани. Флешбекот, како и секој на Лок, беше одличен. Ја видовме за првпат Хелен, а целата приказна беше солидна.

Sawyer^^ напиша:

Првпат кога ја гледав епизодава, кога го пуштија видеото, со ептен големо внимание гледав што се збори во него, кога на крај, толку информации кажаа што не можев се да запомнам. И баш тогаш Лок рече: „Треба да го изгледаме пак!“ Ова како да беше шега за нас фановите!

И на мене истото ми се случи. За среќа си имав DVD и стварно го изгледав уште еднаш видеото.

Цитат :

Друго по што ќе ја памтам епизодава е целиот конфликт меѓу Лок и Џек. Тука забележав дека Џек колку и да глуми дека е целосно човек од наука, сепак кај него има некоја потајна верба во тоа што го кажува Лок. Џек никако не ми изгледаше сигурен во себе. Ако беше сигурен, немаше да ги запамти броевите што му ги кажа Дез, да се врати во хечот и да го притисне копчето.

Да, точно е, изгледа тој не сакаше си признае на себеси дека има нешто навистина посебно во тој Остров...

Цитат :

Интересно беше и што разбравме дека има друга група преживеани. Флешбекот, како и секој на Лок, беше одличен. Ја видовме за првпат Хелен, а целата приказна беше солидна.

Флешбекот беше одличен, можеби не толку шокирачки како тој од Walkabout, ама сепак...доста добар.