Топ пет со Кејт

Време е за топ пет сцените со мисот на нашиот ни Изгубен Универзум - Ката. Опуштете се, „плакнете“ очи и пред се забавувајте се со моите омилени пет сцени во кои ја гледаме главната хероина од серијата... Сцените се подредени хронолошки, како и секогаш.

1) Соер и разоткрива на групата преживеани дека Кејт била со маршалот на летот 815 (Born to Run)

- Фактот дека ова е единствената сцена од првата сезона со Кејт на листава, на некој можеби ќе му годи, а на некого не. Како и да е, според мене ова е без никаков сомнеж најдобрата сцена со овој лик од премиерната сезона. Сценаристите одлично го доловуваат моментот, посебно на крајот од сцената, кога Кејт останува сама на плажата. Исто како што била сама и во текот на целиот свој живот, по убиството на нејзиниот татко...

2) Кејт зборува со „Вејн“, Соер се буди (What Kate Did)

- Ова е епизодата во која Вејн го „завзеде“ телото на Соер и ја запраша Кејт „зошто го убила“. Во сценава е прикажано нејзиното (божемско) обраќање кон „нејзиниот татко“ и кажувањето на причината поради која се одлучила да постапи така сурово со него. На крајот, (оној нормалниот, вистинскиот!) Соер се буди, по што останавме заглавени со прашањето како и кој по ѓаволите беше тој кој и проговори на Кејт неколку часа претходно? Моја теорија - човекот во црно!

Инаку, се обидов да ја најдам сцената во која Остен го дига во воздух нејзиниот пијан татко, но за жал ја нема на Јутуб... Да ја имаше, истата ќе беше поставена на местото на оваа.

3) Кејт и Џулиет се тепаат! (Left Behind)

- Нема ништо посеирџиско од гледање на женска тепачка. Еве една таква и во Lost. Кој вика дека серијава е тешка за гледање???

Нормално, сценава не е поставена само поради тепачката, туку и поради појавувањето на Чудовиштето, со оглед на тоа што минатата недела кога ги бев постирал топ пет сцените со Смоуки, некои се пожалија дека оваа сцена фалела на тамошниот избор. Па, затоа, еве ја...

4) Последниот Скејт бакнеж...засега (There's No Place Like Home, part 2)

- Херојски настроениот Соер ја бакнува Ката. Прекрасно. Посветено на сите Скејтери кои го посетуваат форумов. Џејтерите ќе си ги добијат своите пет минути во некое наредно издание!

5) Кејт се збогува со Арон (Whatever Happened, Happened)

- И нормално, како за крај сцената која ми ја врати довербата во ликот на Кејт. Бев многу радосен кога видов дека сценаристите и „сервираа“ нова улога на нашата омилена протагонистка. Конечно нешто поразлично отколку нејзиното константно, и веќе по малку (а можеби и повеќе!) досадно инволвирање во љубовниот четириаголник. Се надевам дека во шестата сезона Кејт ќе си го исполни ветувањето дадено во епизодава, а ако тоа навистина се случи, ќе биде доста интересно за следење...

Тоа е се’ за денеска народе! Имајте убава ноќ, и не заборавајте да одговорите на прашањата подолу.

За дискусија
- Која од овие пет сцени ви е омилена?
- Дали сметате дека некоја сцена фали во ова издание?
- Предложете идна тема (лик) за изданието на топ пет сцените!

оти никој не коментира на ваквите постови? :?

Омилена сцена 2та

LostyFox напиша:

оти никој не коментира на ваквите постови? :?

Омилена сцена 2та

Не знам.

Втората не ми е ништо посебно, петтата е најзакон.

сеирџија...
3

Мики напиша:

сеирџија...
3

Хаха Мене првата и петтата, особено петтата зашто немаше врска со триаголникот (што го мрзам) а и тоа што конечно Кејт сфаќа дека Арон треба да биде со мајка му и со причина се враќа на островот.

во 5тата има јака музика

Намасте