The Long Con (на македонски: „Големата измама“) е тринаесеттата епизода од втората сезона на Lost, или вкупно 38ма од почетокот на серијата.
Кратка содржина Кога Сан ќе биде нападната од непознат човек, Соер и Кејт не се согласуваат со тврдењата дека Другите се одговорни за нападот и започнуваат да се сомневаат во некој поголем и претходно оркестриран план.
Забавна и неочекувано шокирачка епизода. The Long Con на еден лесно сфатлив начин ни го претставува Соер како вистински измамник. Човек кој успева во своите намери, дури и тогаш кога сите си мислиме дека не постои било каква шанса за тоа. Човек кој испаѓа оти нема никакви чувства кон никого, освен кон самиот себеси.
Интересно е како флешбекот и приказната на Островот се надоврзуваат едни со други. Навистина, не само Чарли, туку и јас се запрашав како е возможно толку многу интриги да бидат измислени од било кој човечки мозок.
Единствено нешто кое ја прави епизодава заборавлива после неколку изминати епизоди е фактот што истата, колку и да сакаме да го одбегнеме неизбежното, е само минорен сетап за големото финале кое ќе следува десет епизоди подоцна. Како и да е, хинтот со радиото за патувањето на Островот низ времето е толку пародично претставен што те тера да си ја удриш главата од ѕид во очај дека не е возможно туку-така сценаристите да си поиграле со нас. Навистина ништо не се случува без причина во Изгубени!!!
Нешта кои забележавПокрај горенаведениот хинт со радиото, забележав како вешто Чарли беше запоставен во сите сцени со киднапирањето на Сан. Уште едно нешто за кое мора да им дадеме огромен аплауз на сценаристите (ако некогаш ги сретнеме...)
Во ниеден момент не се посомневав дека тој е виновникот, иако е јасно дека сценаристите ни го посочуваат тоа уште во првата сцена на епизодава која ја отвораат токму Чарли и Соер!
Друго нешто за жал не успеав да забележам...
Интересни факти
- Мајката на Кејт, Дајана, можеме да ја видиме како келнерка додека Соер и Горди нарачуваат јадење.
- Кога Саид доаѓа за да му го покаже на Харли радиото кое го поправил, Харли ја чита книгата
Bad Twin напишана од
Гери Труп. Гери Труп е човекот кој беше вовлечен во турбината на авионскиот мотор неколку мига по падот на летот 815.
- Во последното клип-шоу од петтата сезона,
Lost: A Journey in Time, беше потврдено дека радио сигналот кој го слушнавме во оваа епизода, го слушнавме како резултат на патување низ времето.
- Додека Саид и Харли седат на плажата и го слушаат радиото, во 39. минута и 27. секунда од епизодата, искра од оган може да видиме како го „напаѓа“ Харли нешто погоре од неговата горна усна.
- Во "Outlaws", додека Соер и Кејт ја играат играта „Јас никогаш“, тој ќе открие дека носел розева маица. Во неговиот флешбек, тој става розева маица откако ќе спие со Кесиди.
Цитатите од епизодава можете да ги прочитате на следниов
линк.
Прашања за дискусија- Која Соер-центрична епизода од првите две сезони е подобра:The Long Con или
Confidence Man?
The Long Con или
Outlaws?
- Која е вашата омилена сцена од епизодата?
- Дали забележавте нешто необично?
- Кој ви е омилен цитат?
- Како би ја оцениле епизодата според трите критериуми:1) Флешбек;
2) Приказна;
3) Митологија?
Мој рејтингПриказна (на Островот): 8
Митологија: 8.5
Флешбек: 8
Оцена: 8.10 
Предмет: The Long Con (2x13) 
Сре Сеп 09, 2009 1:10 am
Иронично малку е што Соер и рече на Кејт дека никогаш нема да се смени, а на Чарли му кажа дека е лош човек, а сега знаеме колку ќе се измени Соер во 4 и 5 сезона. 
