The Whole Truth (2x16)

The Whole Truth (на македонски: „Целата вистина“) е шеснаесеттата епизода од втората сезона и 41та од почетокот на серијата.

Кратка содржина
Џон бара помош од Ана Лусија за справување со нивниот затвореник во окното. Сан започнува да се сомнева дека е можеби трудна.
Иако се работи за Сан-центрична епизода, која по правило би требало да биде досадна, оваа е за едно скалило погоре од сите епизоди посветени на нејзиниот лик! Ако си помисливте дека нешто во флешбекот отскокнува, тогаш се излажавте.

Приказната на Островот, посебно на самиот крај со оној WTF момент при разговорот помеѓу „Хенри Гејл“ и Џек и Лок, ја извлекува "The Whole Truth" од бездната во која сите ние (или барем јас!) уште по самиот почеток, знаејќи дека ќе гледаме уште една Сан-центрична епизода, очекуваме да падне.

Не знам зошто, но овој лик ми е еден од најдосадните, можеби и најдосадниот помеѓу главните ликови. Можеби бидејќи нејзината реакција откако ќе дознае дека е трудна ќе ми биде прилично дегутантна и несфатлива?! Веројатно да. Но најверојатно причината се крие во тоа што Сан отсекогаш била, и ќе биде еден негативен и арогантен карактер кој секогаш ќе ја префрла својата вина во другите... (на пример: заради неа Џин станува таков каков што е, но таа подоцна го криви својот татко за ова!...)

Како и да е, заклучокот ми е дека се работи за солидна сетап епизода која не спрема психички за долгоочекуваната "Lockdown"...

Нешта кои ги забележав
Сан сепак не му ја открива целосната вистина на својот маж Џин. Таа, и покрај тоа што веќе ние знаеме дека спиела со друг маж, ќе му се заколне на него дека тоа никогаш не го сторила во својот живот.

Ете уште еден доказ дека сум во право за моето размислување во контекст на нејзиниот карактер...

Интересни факти:
- Тестот за бременост кој ќе го земе Сан е направен од Widmore Labs (Видмор лабаратории). Ова е втор хинт за Видмор во оваа сезона!
- Лок пронаоѓа една од плочите на Џеронимо Џексон, Magna Carta, додека ги резгледува разноразните артисти и албуми.
- Дијалогот помеѓу Соер и Бернард на плажата го слушаме наназад. Еве како истиот би гласел во нормален редослед:

Цитат :

BERNARD : Well how do you know?
SAWYER : Oh, I got my source!
BERNARD : Well aren't you gonna tell him that?
SAWYER : Not my place!
BERNARD : You should tell him! Or…?
SAWYER : Hell no! Let Sunshine tell him!

Цитатите за епизодава се достапни на следниов линк.

Прашања за дискусија
- Која Сан-центрична епизода од првите две сезони е подобра:
The Whole Truth или House of the Rising Sun?
The Whole Truth или ...And Found?
- Која е вашата омилена сцена од епизодата?
- Дали забележавте нешто необично?
- Кој ви е омилен цитат?
- Како би ја оцениле епизодата според трите критериуми:
1) Флешбек;
2) Приказна;
3) Митологија?

Мој рејтинг
Приказна (на Островот): 7.5
Митологија: 6.5
Флешбек: 6.25

Оцена: 6.85

Не е лоша епизодава, напротив, имаше доста интересен тек. Прво она со Сан и нејзината бременост, одлично беше вклопена приказната на Островот со флешбекот. „Студен туш“ беше кога разбравме дека Џин не може да има деца, а не таа. По втор пат ни потврдија дека Островот може да има чудесни дејства врз здравјето на ликовите (првиот пат беше кога Лок прооде). Имаш право за Сан, сепак, колку и да изгледа мила, сепак е превртлив лик, постојано го лаже и манипулира Џин. Сега кога пак ја гледав сцената во градината, и го приметив изразот на лицето кога се прегрнаа со Џин, како да е очигледно дека пак го излажа и дека спиела со друг маж.

Другите настани беа повеќе сетап за наредната епизода. Бен уште од тука почна со своите „шеми“, успеа да направи целосна збрка во односите на Изгубените. Џек и Лок почнаа да се инаетат кој е поголем лидер, но Ана Лусија ги зафркна и двајцата. Последната сцена е незаборавна, не остави едвај да ја чекаме наредната епизода, и да разбереме дали стварно ќе се случи тоа што го кажа Бен.

П.С. Еве стигнав и до 600 поста на овој форум!

П.П.С. Лостич, гледам слабо се коментира за ривочов, ќе се оди до крај со него или...?

Ривочот ќе оди до крај, било да има коментари или не.
Честито шестоти пост инаку!

Јас навистина немам време за да одговарам на Вашите мислења, но верувајте ми дека што и да напишете тука го читам.

Инаку, викендов не очекуваат 4 постови за 2х17, 2х18, 2х19 и 2х20, додека пак идниот викенд конечно завршуваме со втората сезона.

Трета сезона продолжува од средината/крајот на октомври, завршува некаде декември, па почнува четврта која трае до јануари и после во јануари цел месец ќе биде посветен на последната, петта сезона.

Значи се е испланирано, без грижи, сите што го следите ривочов (како што гледам, само ти и Стефан ) продолжете да ги гледате епизодите и понатаму.

позз

Фала за честитките!

Мило ми е што ќе продолжи ривочов, баш ми е интересно пак да ги следам епизодите. Очекувајте и натаму мои коментари за секоја епизода. Поздрав