Three Minutes (2x22)

Three Minutes (на македонски: „Три минути“) е дваесет и втората епизода од втората сезона на Lost и втората Мајкл-центрична од истата. Ова е воедно четириесет и седмиот час од почетокот на серијата.

Кратка содржина
Додека преживеаните тажат за загубата на Ана Лусија и Либи, Мајкл продолжува да врши притисок врз своите пријатели за да му се придружат на него во мисијата да го спасат Волт од Другите. Во флешбекот откриваме што му се случило на Мајкл за време на неговиот претстој со мистериозната група на луѓе...
Одлична сетап епизода. Ги открива парчињата кои недостасуваат во приказната (преку флешбекот во кој ни беа издвоени најважните нешта) и ги поставува примарните цели на групата на преживеани во финалето - спасувањето на Волт, притоа фаќајќи го Мајкл в лага и враќањето на Дез со едрилицата (со која ќе заврши самата епизода), нешто, без кое немаше да се случи вториот дел од финалето (то ест - имплозијата на окното)...

Како и сите епизоди кои откриваат многу мистерии, така и оваа заслужува солиден рејтинг! Барем според мене...

Прашања за дискусија
- Која Мајкл-центрична епизода од првите две сезони е подобра:
Three Minutes или Special?
Three Minutes или Adrift?
- Која е вашата омилена сцена од епизодата?
- Дали забележавте нешто необично?
- Кој ви е омилен цитат?
- Како би ја оцениле епизодата според трите критериуми:
1) Флешбек;
2) Приказна;
3) Митологија?

Мој рејтинг
Приказна (на Островот): 7.5
Митологија: 7
Флешбек: 9

Оцена: 7.90

И јас многу ги сакам овие епизоди во кои се пополнуваат „дупките“ во приказната. Одличен флешбек, конечно видовме дел од територијата на Другите, ја видовме сцената со земањето на оружјето од друг агол, па конечно го видовме и Волт..... Многу добар сетап за финалето. Најмногу впечаток сепак ми остави Саид, човекот ептен докажа дека е прав детектор за лаги, кога го „прочита“ Мајкл. Крајот со бротчето на Дезмонд беше доста изненадувачки, малку кој очекуваше такво нешто.