Special (1x14)

Special (на македонски: „Посебен“) е првата Мајкл/Волт центрична епизода од Изгубени и четиринаесеттата воопшто од серијата, премиерно прикажана на 19 јануари 2005тата година.

Што ми се допадна?
Во основа, ова е за жал една од понеинтересните епизоди од првата сезона, иако се издвојува како поинаква од другите со долгиот флешбек поради кој едноставно е невозможно да не го засакате Мајкл како лик. Многу пати досега сум го кажал ова, но еве и уште еднаш, во случај да сте заборавиле: средишниот период од било која сезона на LOST во суштина секогаш претставува голем сетап за настаните кои ќе следат на самиот крај од истата, а "Special" претставува вистински школски пример за објаснување на „дефиницијава“ дадена претходно. Зошто го мислам ова? Најпрвин, самата приказна на Островот и надвор од Островот е доста интересна за следење, но неважна - но само на прв поглед. Кога малку повеќе ќе подразмислите, неколку епизоди подоцна, се соочуваме со проблематиката која ни беше претставена во флешбекот: специјалноста на Волт. Зошто? Затоа што од оваа причина ќе биде грабнат од Другите! Патем речено, сеуште не знаеме на кој начин е малиот поинаков!!! Во секој случај, истото (во врска со сетапов) важи и за мистериозното појавување на Клер од никаде во џунглата; со оглед на тоа што нејзината приказна за грабнувањето ќе биде подоцна откриена во втората сезона, а исто така како резултат на појавувањето Итан ќе го врати хоророт помеѓу преживеаните... Да ја скратам приказната: епизодава е огромен сетап!

Што забележав?
Забележав неколку работи. Еве ги:
- Винсент повторно се однесуваше чудно, посебно пред Волт да биде нападнат од поларната мечка.
- Кога птицата ќе се удри во вратата на Брајан (мажот на Сузан) во Австралија, Волт „случајно“ разгледува списание со птици. Подоцна, слична ситуација се случува на Островот - Волт чита некаков стрип во кој има поларна мечка, а само неколку часови подоцна е нападнат од, погодувате? Исто така поларна мечка! Дали ова значи дека Волт може да комуницира/раководи со мислите на животните?
- ако ја гледавте епизодата сигурно забележавте дека Клер на сон го видела бродот „Црната Карпа“. Се прашувам, што е значењето на сонот и всушност самото спомнување во серијата?!

Моменти за паметење:
- тепањето на поларната мечка и спасувањето на Волт од страна на Мајкл и Лок.
- разгорувањето на ривалството помеѓу Џон и Мајкл кое на крајот ќе спласне поради првата точка.
- појавувањето на Клер на крајот од епизодата.
- двоумењето на Чарли; дали да го чита или не дневникот на Клер?? Ова е според мене најсмешниот момент од првава сезона досега!

Интересни факти:
- стрипот кој Волт го читаше всушност му припаѓа на Харли (како што ќе видиме во Exodus, дел први).
- во епизодава за првпат е спомнат Египет како (сега веќе) незаменлив дел од серијата, кога Волт ќе им каже на своите родители дека мисли оти е посоодветно да учи за египетските птици, отколку за австралиските (или така нешто, ме мрзи да проверувам)...

Цитати:
Jack: What is that?
Charlie: Claire's diary.
Sayid: You read her diary?
Charlie: Yeah, I know. I'm bloody scum.
-----
Hurley: We're having another tournament for the last of the deodorant sticks.
-----
Walt: [after throwing knife at tree] Man! I suck!
-----
Sawyer: Good literature is kinda scarce around here.
-----
Charlie: [to Sawyer] You hit like a ponce.

Прашања за дискусија:
- што ви се допадна најмногу во епизодата? Кој ви е омилен момент/сцена/цитат? Што оцена би и дале?!
- дали забележавте нешто необично?

Мој рејтинг:
Приказна (на Островот): 6
Митологија: 6
Флешбек: 6.5

Оцена: 6.15

Мислам дека оваа епизода требаше да води кон нешто поголемо (заедно со room 23), но за жал за да го исврлат малком, го пратиа џон да направи разговор без да го покани назад. така да ништо од таа приказна. ако се враќа можеби со дез ке се врати (сеуште незнае за смртта на татко му). Од почетокот ги величеа Џон и Волт но само Џон отиде до кај отиде (за жал не го видовме во победничка и водечка улога а тоа го чекавме 4 сезони). гледам нема некој поинтересни цитати!
ми се допадна што волт се дружеше со лок!
рејтинг...
приказна: 6
митологија: 5
флешбек: 8
се на се-6.8

IceMan напиша:

Мислам дека оваа епизода требаше да води кон нешто поголемо (заедно со room 23), но за жал за да го исврлат малком, го пратиа џон да направи разговор без да го покани назад. така да ништо од таа приказна. ако се враќа можеби со дез ке се врати

Се надевам дека теоријава ќе испадне точна. Волт беше важен лик во првите две сезони, а посебно во втората кога и покрај тоа што го гледавме многу малку сепак буквално поради него течеше и целото дејствие!

Од претходно се шират многу трачеви дека Волт ќе учевствувал во последната епизода (сцена), па дури имаше некаде напишано дека тој уште порано имал снимено тајна сцена од сеуште не прикажаното финале на серијата бидејќи за во истата на сценаристите им бил потребен малиот Волт (од првата сезона)... Како и да е не верувам дека е ова точно, ама сепак... =))

интересна епизода..
солидна ФБ приказна.. ја дознаваме целата приказна за Мајкл и Волт.. он ајланд приказната е да не речам глупа.. нема ништо интересно, освен спомнувањето дека Волт е „посебен“ (што уште не е до крај разјаснето и се надевам дека ќе биде во 6тава сезона)

интересни работи:
-освен тие ти шо ги пиша, исто приметив дека мајка му на Волт умрела од blood disorder, а после нели ќе му зимаат крв на Волт.. можда има нешто „посебно“ во крвта на фамилијата на мајка му на Волт, но „делува“ само кај мажи, а жените не го издржуваат тоа, т.е. умираат..
-пак ми се потврдува „теоријата“ од првата епизода.. дека Волт некако „ја повика поларната мечка“.. и тогаш пишав дека е интересно како одма откако Волт ја виде мечката во стрипот таа навистина дојде, а и сега истото се случи.. а се има и претходно случено со птицата (и да... закон ИСТЕР ЕГ со Египет :Р).. ова само ни ја потвдрува претпоставката дека Волт може да „комуницира на далечина“ или како се викаше теле-нешто =)) телекомуницира =))) исто таков е случајот и со компјутерот при крајот на 2ра сезона.. Дарлтон еднаш рекоа дека и не му требало компјутер на Волт за да разговара со татко му..
-да.. стварно беше смешна сцената со Чарли и дневникот =)))
-во пасосот кога збориш за „сетапот“ го немаш спомнато рафтот.. што е најочигледниот сетап за епизодите до финалето =)
-а според мене, Црната Карпа е спомната само колку пак да не заинтересира за таа мистерија.. не дека Клер знае што е тоа.. или пак дека видела брод во сонот.. онака.. сетап за финалето =)

Точно дека е голем сетап, но сепак епизодава отсекогаш ми беше меѓу поинтересните. Ни даде големи хинтови за тоа што следува - враќањето на Клер, сплавот на Мајкл, Црната карпа, Египет, и нормално - моќите на Волт! Изгледаше дека кога Мајкл му го запали стрипот, Волт како да помисли „да даде Господ мечкава од стрипот да те нападне“ - и на некој начин бидна! Инаку, Сузан и Брајан треба да се кандидираат за „најлоши родители на сите времиња“, како воопшто да не ги беше гајле за Волт. Доста жално е што знаеме и дека Мајкл никогаш нема да успее да живее среќно со синот. Направи се за него, а на крај како заврши! Искрено, не ми се допаѓа како ликот беше отстранет од серијата!

Штета е и што се ми се чини дека сценаристите ја отфрлија приказната за Волт - воопшто не видовме флешбек за тоа што му правеа Другите кога беше кај нив! Пред 4 сезона се надевав дека ќе ни ја разјаснат целата работа, Room 23 одлично не загреа за тоа, кога на крај ништо! И разговорот на Лок и Волт во петтата сезона очекував да биде многу поинтересен. Се надевам сеуште дека ќе се врати Волт во шеста сезона, еве мој предлог за приказна: Видмор лично го убедува Волт и се враќа со него на Островот со надеж дека пак ќе го преземе. Сепак, нели, треба да видиме Final battle за Островот? А и Видмор му рече на Лок дека ќе му помогне да ги врати СИТЕ, па уште имам надеж дека и Волт пак ќе го видиме. За тајна сцена кога бил мал - не верувам!

@Стефан:

Steff напиша:

интересни работи:
-освен тие ти шо ги пиша, исто приметив дека мајка му на Волт умрела од blood disorder, а после нели ќе му зимаат крв на Волт.. можда има нешто „посебно“ во крвта на фамилијата на мајка му на Волт, но „делува“ само кај мажи, а жените не го издржуваат тоа, т.е. умираат..

Има смисла!

Цитат :

-пак ми се потврдува „теоријата“ од првата епизода.. дека Волт некако „ја повика поларната мечка“.. и тогаш пишав дека е интересно како одма откако Волт ја виде мечката во стрипот таа навистина дојде, а и сега истото се случи.. а се има и претходно случено со птицата (и да... закон ИСТЕР ЕГ со Египет :Р).. ова само ни ја потвдрува претпоставката дека Волт може да „комуницира на далечина“ или како се викаше теле-нешто =)) телекомуницира =))) исто таков е случајот и со компјутерот при крајот на 2ра сезона.. Дарлтон еднаш рекоа дека и не му требало компјутер на Волт за да разговара со татко му..

Телепатија мислам дека беше! =)))
Иначе, не сум знаел за ова што го кажале Дарлтон, занимливо.

Цитат :

-да.. стварно беше смешна сцената со Чарли и дневникот =)))

НАЈсмешна!

Цитат :

-во пасосот кога збориш за „сетапот“ го немаш спомнато рафтот.. што е најочигледниот сетап за епизодите до финалето =)

Шит хепенс.

Цитат :

-а според мене, Црната Карпа е спомната само колку пак да не заинтересира за таа мистерија.. не дека Клер знае што е тоа.. или пак дека видела брод во сонот.. онака.. сетап за финалето =)

Абе и јас мислам дека тоа е тоа, ама ај сепак се одлучив да го ставам во постов...
@Соер^^:

Sawyer^^ напиша:

Изгледаше дека кога Мајкл му го запали стрипот, Волт како да помисли „да даде Господ мечкава од стрипот да те нападне“ - и на некој начин бидна!

Хахахах уште се смеам на коментаров! =)))))

Цитат :

Инаку, Сузан и Брајан треба да се кандидираат за „најлоши родители на сите времиња“, како воопшто да не ги беше гајле за Волт. Доста жално е што знаеме и дека Мајкл никогаш нема да успее да живее среќно со синот. Направи се за него, а на крај како заврши! Искрено, не ми се допаѓа како ликот беше отстранет од серијата

Ни мене воопшто не ми се допадна како Мајкл го отстранија од серијата...но тоа е тоа, ако ништо барем, си загина како херој.

Цитат :

Штета е и што се ми се чини дека сценаристите ја отфрлија приказната за Волт - воопшто не видовме флешбек за тоа што му правеа Другите кога беше кај нив! Пред 4 сезона се надевав дека ќе ни ја разјаснат целата работа, Room 23 одлично не загреа за тоа, кога на крај ништо!

Се надевам дека ќе не удостојат со некои објаснувања во последнава сезона...па макар истите да ни бидат кажани и со зборови!

Цитат :

За тајна сцена кога бил мал - не верувам!

Само што прочитав на спојлер блогот на DarkUFO - тоа бил обичен трач...