Рејтинзи на премиерата

Изгубени беа втората најгледана серија вчера вечерта, веднаш зад American Idol, но ќе остане запаметено дека почетокот на премиерата ја следеле само 11.4 милиони луѓе во Америка. Вестите се (според мене) изненадувачки лоши од едноставна причина што минатата премиера ја следеа 16.1 милиони луѓе, но сепак, доколку се земе во обзир дека тогаш Lost имаше слаби конкуренти (се репризираа епизоди од CSI и немаше Американски Идол) тогаш можеби овој резултат и не е толку спектакуларно лош. Ќе остане фактот дека нашата омилена серија ја следеа (најверојатно) истите луѓе кои го следеа и минатогодишното финале, бидејќи и неговата гледаност беше во рамките на 11те милиончиња.

Destiny Calls
Recap (потсетување на минатите сезони) шоуто имаше изненадувачка гледаност од 8.5 милиони луѓе, пласирајќи се на второто место зад Американскиот Идол кој имаше 35 милиони гледачи. Мала разлика, нели?

Because You Left и The Lie
Двете епизоди привлекле просечно 11.4 милиони гледачи, правејќи ги Изгубени најгледаната серија на вечерта. Сепак, во 21:00 Lost имаа за 2 милиони помала гледаност од серијата Криминални Умови (на CBS) и еден и пол милион помалку од новото шоу на Тим Рот - Lie to Me (на Fox).

Кои се вашите размислувања за ова? Дали се плашите дека Изгубени можат да бидат откажани доколку гледаноста опадне уште пониско???

Во секој случај, премиерата донесе и добри вести! Фановите низ светот (па и кај нас, во Македонија) се доста задоволни од првите две епизоди. Интересно е што првата епизода на TV.com има брилијантен рејтинг (9.5), што значи дека е уште сега влезена во листата на десетте најдобри епизоди од серијата, додека пак втората епизода, исто така не помина лошо со рејтинг од 9.3. На DarkUFO пак и двете епизоди влегоа во горниот дел од табелата, која можете да ја видите тука!