Топ пет сцени од финалиња

Не знаев кај да го сместам постов, ама со оглед на тоа што сцените се оживеани, или поточно речено, не би постоеле без постоењето на ликовите, се одлучив за оваа секција од форумот.

Денеска следува деветтото издание на топ пет сцените, овојпат посветени комплетно на сцени од досегашните пет финалиња од серијата. Уживајте со мојот избор. Сцените се подредени хронолошки, од Exodus па се до The Incident.

1) Преживеаните упатуваат прв поглед во окното (Exodus)

- Од некоја чудна причина ваквите музички краеви отсекогаш сум ги обожавал. Секогаш кога ја гледам сценава (и не само оваа - туку сите во кои е „мјутиран“ гласот на актерите/ликовите, а во позадина оди само тивка, емоционална мелодија на Мајкл Гјачино!) ми буди премногу емоции, толку многу што едноставно не е возможно такво нешто да биде објаснето со било каков збор измислен од човекот. Верувам дека клипов и Вас ќе ве остави без зборови!

2) Имплозијата на окното (Live Together, Die Alone)

- Една од сцените која веднаш ќе прерасне в класика. Сличен ефект како овој со розевото небо беше направен подоцна и во финалето на четвртата сезона. Патем, коментарот на Лок (I was wrong!), како и монтажата со Пени и Дез пред имплозијата се незаборавни моменти од овие три изгубени минути...

3) Првиот флешфорвард (Through the Looking Glass)

- Според голем дел од фановите ова се најдобрите пет минути во историјата на Изгубени. Многу е возможно оваа констатација да е точна, со оглед на тоа што "WE HAVE TO GO BACK" цитатот стана заштитен знак на Lost во последниве три години! Секако, не бадијала се и двете победи на DarkUFO купот на епизоди...

4) Лок во ковчегот (There's No Place Like Home)

- Еве го и вториот флеш во иднината (флешфорвард) по ред кој е дел од топ пет листава на сцени од сите досегашни финалиња од Изгубени. И покрај тоа што своевремено оваа сцена беше прилично шокантна, со текот на времето нејзиното значење и „респект“ опаѓаше...се до крајот на финалето на петтата сезона во кое откривме дека можеби...МОЖЕБИ ова е последната сцена со вистинскиот Лок, оној без ф пред своето презиме!!!

5) Првата сцена од финалето на петтата сезона (The Incident)

- И нормално, како за крај шокирачката отварачка сцена од The Incident со Џејкоб и неговиот непријател. Ова се моменти кои верувам дека ќе ги помниме засекогаш. Митологијата започнува да се открива...

Инаку, интересно е што ова е единствената прва сцена од финалињата која е дел од листава...за жал, сметам дека и не постои друга сцена од последново финале кое е близу рангот на овие пет!...

За дискусија
- Кои се Вашите омилени сцени од петте финалиња на Lost (потребно е да кажете по една сцена од сите пет...)
- Дали сметате дека фали некоја сцена на листава?
- Предложете следен, јубилеен десетти лик/тема за „престижните“ топ пет сцени!

Не можам да одберам едно сите се преубави

Не

Џек веќе е

Намасте

Еее и ја неможам! Сите се добри сцени и се согласувам со листава, добро можеби третата ми е некако НАЈ од другиве.

Иден....

paul

Namaste